Alex Salmond, ish-kryeministri skocez që udhëhoqi Skocinë në prag të pavarësisë, ka vdekur në moshën 69-vjeçare. Salmond shërbeu si kryeministër i Skocisë nga viti 2007. Ai u tërhoq nga posti pasi dështoi të siguronte pavarësinë në referendumin e vitit 2014, duke ia dorëzuar postin zëvendësit të tij, Nicola Sturgeon.

Raportet sugjeruan se ai u rrëzua pasi mbajti një fjalim në Samitin “World Changers Balkan Summit” në Maqedoninë e Veriut të shtunën. Kryeministri i Skocisë, John Suinney, tha se ishte “thellësisht i tronditur dhe i pikëlluar”.

“Aleksi punoi pa u lodhur dhe luftoi pa frikë për vendin që donte dhe për pavarësinë e saj. Ai mori në qeveri Partinë Kombëtare Skoceze nga skajet e politikës skoceze dhe e udhëhoqi Skocinë që të bëhej një vend i pavarur”, tha ai.

Kryeministri britanik, Keir Starmer, tha se Salmond kishte qenë një “figurë monumentale” për më shumë se 30 vjet. Salmond filloi detyrën e tij të dytë si lider i SNP-së në vitin 2004, duke siguruar pushtetin në Holyrood në 2007. Kjo u pasua nga një fitore gjithëpërfshirëse në zgjedhjet parlamentare skoceze në vitin 2011 – pararendës i votimit të pavarësisë./The Guardiam/

Burimi informacionit @BalkanWeb: Lexo me shume ne : Bota Sot News botasot.co