Rusia dhe Kina janë në gjendje të kapërcejnë problemet që dalin nga sanksionet perëndimore duke përdorur formate shumëpalëshe, si BRICS dhe Organizata e Bashkëpunimit të Shangait (SCO), tha të martën Ministri i Jashtëm rus Sergey Lavrov, i cili ndodhet në një vizitë dy-ditore në Kinë.
BRICS, që më parë përbëhej nga Brazili, Rusia, India, Kina dhe Afrika e Jugut është zgjeruar edhe me katër vende të tjera, konkretisht Etiopia, Irani, Egjipti dhe Emiratet e Bashkuara Arabe, të cilat iu bashkuan grupit në fillim të këtij viti.
Ndikimi politik dhe ekonomik i bllokut është rritur ndjeshëm që nga vendosja e kufizimeve të ashpra ndaj Rusisë nga SHBA, BE dhe vende të tjera perëndimore pas fillimit të konfliktit të Ukrainës në vitin 2022. Asnjë nga anëtarët e BRICS nuk i është bashkuar fushatës perëndimore dhe kanë vazhduar ose kanë rritur tregtinë me Rusinë.
Duke folur në një konferencë për shtyp pas një takimi me ministrin e Jashtëm kinez Wang Yi, kryediplomati rus tha se homologu i tij ka dalë me një formulë për anulimin e efektit të sanksioneve.
“Kolegu im foli në detaje për boshllëqet specifike ekonomike që dalin si rezultat i politikës së paligjshme të sanksioneve të njëanshme dhe të cilat ne do t’i zgjidhim brenda kornizës së BRICS dhe brenda SCO-së”, tha Lavrov.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
