![Vala e të nxehtit në Antarktidë, temperaturat u rritën 10°C mbi mesataren 2 vala e te nxehtit ne antarktide temperaturat u rriten 10c mbi mesataren](https://botasot.co/wp-content/uploads/2024/08/vala-e-te-nxehtit-ne-antarktide-temperaturat-u-rriten-10c-mbi-mesataren.webp)
Një valë e nxehtë goditi Antarktidën në mes të dimrit – temperaturat u rritën 10°C mbi mesataren dhe në disa ditë të korrikut dhe arritën 28°C mbi ato që priteshin.
Vala e të nxehtit vjen në mes të dimrit të Antarktidës, kështu që temperaturat janë ende -20°C. Megjithatë, anomalia e temperaturës në Antarktidë është më e madhja në botë, sipas meteorologëve.
Temperaturat pritet të mbeten 20 deri në 30°C mbi mesataren në pjesë të Antarktidës Lindore për 10 ditët e ardhshme. Gjatë pjesës më të madhe të korrikut, ato ishin dukshëm mbi mesataren, por jo aq të larta sa tani, raporton Qendra për Promovimin e Ekonomisë Rrethore.
Sipas analistit të temperaturës në Antarktidë, Stefano Di Batista, stacioni i Polit të Jugut do të regjistrojë korrikun e tij më të ngrohtë që nga viti 2002, rreth 6.3°C mbi mesataren. Nga 20 deri më 30 korrik, temperatura mesatare në stacion ishte -47.6°C, që është një temperaturë tipike për fundin e shkurtit – fundi i verës në Antarktidë.
Vostok, në qendër të Akullit Lindor, do të përjetojë korrikun më të ngrohtë që nga viti 2009, me rreth 6.5 °C mbi mesataren.
Vala e të nxehtit në Rrafshnaltën e Antarktidës është më e shquar për gjatësinë e saj sesa për intensitetin e saj, megjithëse disa vlera janë domethënëse – tha Di Batista.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co