Vdes në moshën 68-vjeçare ylli i “Scarface”

Aktori Angel Salazar, i njohur më së shumti për rolin e tij si Chi Chi në filmin hit të vitit 1983 “Scarface”, ka ndërruar jetë në moshën 68-vjeçare.

Salazar vdiq në gjumë në shtëpinë e mikut të tij në Brooklyn gjatë fundjavës, konfirmoi përfaqësuesja e tij Ann Wingsong për TMZ.

Një mik shkoi për të kontrolluar aktorin të dielën në mëngjes dhe e gjeti trupin në shtratin e tij. Shkaku zyrtar i vdekjes nuk është konfirmuar ende, megjithatë Wingsong tha se Salazar vuante nga disa probleme të zemrës.

Aktori, i lindur në vitin 1956, mori rolin e Chi Chi, shoku i ngushtë i personazhit ikonik të Al Pacino-s, Tony Montana – në fillim të karrierës së tij. Salazar u gjend krah Michelle Pfeiffer si Elvira Hancock, e dashura e Montanës e cila bëhet gruaja e tij, si dhe Steven Bauer, i cili luajti Manny Ribera-n, bashkëpunëtori i tij.

Burimi informacionit @BalkanWeb: Lexo me shume ne : Bota Sot News botasot.co