Disa vende u kanë kërkuar shtetasve të tyre që të largohen nga Libani pasi mes rritjes së frikës për zgjerimin e konfliktit në Lindjen e Mesme.

Irani është zotuar për një hakmarrje “të ashpër” kundër Izraelit, të cilin e fajëson për vdekjen e liderit politik të Hamasit, Ismail Haniyeh në Teheran të mërkurën. Vrasja e tij erdhi disa orë pasi Izraeli vrau komandantin e lartë të Hezbollahut, Fuad Shukr në Bejrut.

Zyrtarët perëndimorë kanë frikë se Hezbollahu, një milici dhe lëvizje politike e mbështetur nga Irani me bazë në Liban, mund të luajë një rol kyç në çdo hakmarrje të tillë, e cila nga ana tjetër mund të shkaktojë një përgjigje serioze izraelite.

Përpjekjet diplomatike të SHBA-së dhe vendeve të tjera perëndimore vazhdojnë për të ulur tensionet në të gjithë rajonin.

Por duke reaguar ndaj shqetësimeve të tilla, SHBA, Britania e Madhe, Suedia, Franca, Kanadaja dhe Jordania u kërkuan qytetarëve të tyre që të largohen nga Libani sa më shpejt të jetë e mundur, pasi një numër në rritje fluturimesh anulohen ose pezullohen në aeroportin e vetëm tregtar të vendit në Bejrut.

Frika nga një përshkallëzim i armiqësive që mund të përfshijë Libanin është në kulmin e tyre që kur Hezbollahu filloi sulmet e tij ndaj Izraelit, një ditë pas sulmeve vdekjeprurëse të Hamasit në Izraelin jugor më 7 tetor.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co