Një ish-ndihmëse e guvernatores së Nju Jorkut, Kathy Hochul, është akuzuar se ka vepruar si agjente e qeverisë kineze.

Linda Sun, 41 vjeç, “veproi me urdhër, drejtim ose kërkesë” të Kinës gjatë karrierës së saj 14-vjeçare në këmbim të miliona dollarëve, pretendon një aktakuzë federale.

Burri i saj, Christopher Hu, gjithashtu akuzohet si agjent kinez.

Çifti u arrestua në shtëpinë e tyre prej 3.5 milionë dollarësh (2.7 milionë £) në Long Island të martën, disa muaj pasi u bastis si pjesë e një hetimi të FBI-së.

Sun u shkarkua gati dy vjet më parë pasi zyra e guvernatores Hochul, zbuloi “prova të sjelljes së keqe” dhe ia raportoi atë autoriteteve.

Dyshja do të përballen me një gjykatë federale të Bruklinit me akuza, duke përfshirë shkeljen e Aktit të Regjistrimit të Agjentëve të Huaj, mashtrimin e vizave, sjelljen e të huajve dhe komplotin e pastrimit të parave.

Prokurorët thonë se Sun veproi si “një agjente e pazbuluar e qeverisë kineze”, ndërsa burri i saj “lehtësoi transferimin e miliona dollarëve në ryshfet për përfitime personale”.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co