Reali dhe Milani u përballën në Klasiken e futbollit Europian, pas plot 14 vitesh pritjesh! Kuqezinjtë e trajnerit Fonseka, arritën ti jepnin “leksion” kampionëve në fuqi të Champions-it, duke i mposhtur me rezultatin 1-3 në “Barnabeu”, në një duel që rezultoi magjik për milanistët.
Golat e Çaut, Moratës dhe Reijnders, i dhuruan 3 pikë të arta italianëve, ndërkohë që për Realin golin e vetëm e shënoi Vinicius me penallti. Vlen të theksohet fakti se në minutën e 81-të, spanjollëve iu anulua një gol nga VAR-i për pozicion jashtë loje. Rrugën e rrjetës në këtë minutë e gjeti Rudiger.
Në duelin e radhës Reali do të ndeshet me Liverpulin në transfertë, ndërsa Milani luan ndaj Slovan Bratislavës sërish në transfertë. Si madrilenët ashtu edhe milanistët ndodhen në kuotë të barabartë pikësh, 6 secila.
FT: REAL MADRID – MILAN 1-3
Vinicius 23′ (p)/ Çau 12′, Morata 39′, Rejinders 73′
KOMENTI LIVE:
90+1′ Tjetër pritje spektakolare e portierit Menja, që i mohon një gol të sigurt Brahim Diazit. (VIDEO)
90′ Akordohen 6 minuta shtesë!
88′ Pranë goli të katërt Milani me Loftus Çik, tentativa e tij ndalet në mënyrë mjeshtërore nga Lunin. (VIDEO).
81′ Madrilenët ngushtojnë diferencën me mbrojtësin Rudiger, por goli është i pavlefshëm nga VAR-i për pozicion jashtë loje. (VIDEO)
73′ GOOOL MILAN 1-3/ Aksion model i kuqezinjve, Rejinders shënon të tretin pas kombinimit mjaft të bukur me Leaon. (VIDEO)
55′ Kundërsulm 2 kundër 1 i Milanit, por Leao shpërdoron një shans të artë, teksa në momentin e fundit ndalet nga Militao. (VIDEO)
52′ Pritje spektakolare e Lunin, portieri i mohon golin Leaos. Tentativa e portugezit me kokë brenda zonës, ndalet në mënyrë mjeshtërore nga gardiani ukrainas. (VIDEO)
46′ Starton pjesa e dytë.
Mbyllet pjesa e parë!
43′ Menja bën heroin duke i mohuar një gol të sigurt Kilian Mbapesë. Fantastik portieri i Milanit me ndërhyrjen e bërë. (VIDEO)
39′ GOOOL MILAN 1-2/ Kuqezinjtë sërish në avantazh, kësaj here është radha e Alvaro Moratës, për të ndëshkuar portierin Lunin. Gjuajtja e Leaos fillimisht u ndal nga portieri ukrainas, i vëmendshëm Morata që ndjek aksionin dhe nuk fal. (VIDEO)
30′ Minuta të mira për Milanin, që ushtron presion të vazhdueshëm në portën e Lunin, i cili kryen një pritje mjaft të bukur pas gjuajtjes së Reijnders nga distanca. (VIDEO)
23′ GOOOL REALI 1-1/ Vendoset baraspesha, Vinicius shënon me “Panenka” pas penalltisë të fituar nga vetë ai. (VIDEO)
21′ Emerson shkakton penallti, pas ndërhyrjes së gabuar ndaj Vinicius Zhunior, për gjyqtarin nuk ka dyshime, 11 metërsh për spanjollët. (VIDEO)
13′ Kundërpërgjigjet Reali me Mbape, por gjuajtja e sulmuesi francez ndalet nga Menja. (VIDEO)
12′ GOOOL MILAN 0-1/ Zhbllokohet sfida, mbrojtësi Çau, ku pas një harkimi nga këndi godet saktë me kokë duke përshëndetur rrjetën (VIDEO)
7′ Goditje dënimi për Realin, porovon Luka Modriç, por tentativa e tij ndalet nga portieri.
3′ Reali e nis sfidën në sulm, duke kërcënuar portën e Menja me Mbape, por tentativa e tij shkon ngjitur me shtyllën. (VIDEO)
1′ Starton sfida me 1 minutë heshtje në nder të viktimave në Valencia.
FORMACIONET:
PANORAMASPORT.AL
