Thomas Strakosha debutoi me AEK në mesjavë, në fitoren 4-3 të grekëve në Conference League, ndaj Inter E’Escaldes. Portieri shqiptar ishte protagonist për AEK te një gol, teksa me një top të gjatë shërbeu me asist për shokun e skuadrës, i cili nuk fali.
Strakosha ka bërë një postim në rrjetet sociale, ku shkruan: “I lumtur për debutimin me fitore në shtëpinë time të re”. “Gardiani” kuqezi, përveç aspektit pozitiv, në disa raste mori edhe nota negative.
29-vjeçari i kombëtares u transferua në Athinë vetëm pak ditë më parë. Strakosha shpreson se do të mund të jetë titullar te AEK, në sezonin e ri futbollistik. Kampionati grek për “gardianin” kuqezi fillon me 18 gusht.
(J.S/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
