Elbasani mposhti Teutën me rezultatin e pastër 3-0 në duelin e vlefshëm për javën e dytë të Superiores, të zhvilluar në “Elbasan Arena”. Vendasit e trajnerit Bordin, ishin superiorë në fushë, duke mos e vënë në diskutim triumfin, përballë një Teute që prodhoi shumë pak për të shkuar te pika.
FOTOT: P.PASHOLLARI
Supergoli i Dros në pjesën e parë dhe golat e Hilës dhe Arsen Kasës në pjesën e dytë, i dhuruar 3 pikët e parë në këtë sezon skuadrës verdheblu, që tashmë është ngjitur në kuotën e 4 pikëve, ndërkohë Teuta ngelet 3 pikë.
FOTO: F.HAZISLLARI
FT: ELBASANI – TEUTA 3-0
Dros 30′, Hila 48′, A.Kasa 78′
KOMENTI LIVE:
Mbyllet sfida!
90′ Akordohen 2 minuta shtesë!
88′ Zëvendësim i fundit te Teuta, largohet Arifi vendin e tij e merr Preknicaj.
85′ Vendasit të papërmbajtshëm, kërkojnë edhe golin e katërt me Hilën dhe Arsen Kasën.
83′ Trajneri Bordin kryen 2 zëvendësimet e fundit, largohen Musta dhe Lila, në vend të tyre Zaimi dhe Lajthia.
78′ GOOOOL ELBASANI 3-0/ Shënon i sapofuturi në lojë Arsen Kasa. Vetëm pak minuta sekonda i mjaftuan për mposhtur portierin Tafas. (VIDEO)
77′ Ardit Hila sfumon një shans të artë për të gjetur golin e tretë. (VIDEO)
76′ Dy zëvendësime të tjera, te Teuta largohet Vila, në vendin e tij Torraj, ndërsa te Elbasani largohet Leo Melo, në vendin e tij Arsen Kasa.
72′ Teuta kërkon të gjejë golin për të rihapur sfidën, por mungojnë rastet konkrete në portën e Totoshit.
67′ Zëvendësim i detyruar te Teuta, largohet Jazxhi, vendin e tij e merr Syla.
52′ Pranë golit të tretë Elbasani me Lleshin, por sulmuesi nuk koordinohet siç duhet me kokë brenda zonës. (VIDEO)
48′ GOOOOL ELBASANI 2-0/ Vendasit në avantazh të dyfishtë! Ardit Hila përfiton nga një gabim i mbrojtësit Marku, pasi udhëheq bukur topin, mesfushori godet saktë duke mposhtur portierin Tafas. (VIDEO)
46′ Starton pjesa e dytë, Elbasani kryen një tjetër zëvendësim, largohet Ze Gomesh, vendin e tij e merr Lleshi. Dy zëvendësime edhe në radhët e Teutës, në fushë Boçi dhe Nasr, largohen Ardit Peposhi dhe Ergys Peposhi. Trajneri Martini zëvendëson kështu 2 vëllezërit Peposhi.
Mbyllet pjesa e parë!
45+2′ Pranë golit të dytë Elbasani me Ze Gomesh, i cili provoi me një gjuajtje, por u ndal nga portieri Tafas. (VIDEO)
45′ Akordohen 2 minuta shtesë!
44′ Kasa harkon nga këndi, provon Musta me kokë, por topi shkon mbi kuadrat.
42′ Ndëshkohet edhe kapiteni Bruno Lulaj, për faull taktik ndaj Llocit.
41′ Zëvendësim i detyruar tek Elbasani, largohet Greca i dëmtuar, vendin e tij e merr Hila.
39′ Lloci është i ndëshkuari i tretë i sfidës me karton të verdhë për ndërhyrje të gabuar.
30′ GOOOOL ELBASANI 1-0/ Shpërthen festa! Vendasit gjejnë avantazhin me mesfushorin Dros që realizon një gol mjaft të bukur me të majtën nga jashtë zonës. (VIDEO)
30′ Ndërhyrje vendimtare e Kotobellit, që i “djeg” një mundësi shënimi Elbasanit, aty ku Greca priste i vetëm. (VIDEO)
28′ Harkim i rrezikshëm i Ledio Beqjas që për pak sa nuk përfundon në rrjetë. Drithërima në portën e Elbasanit. (VIDEO)
21′ Ndëshkohet me karton të verdhë edhe Emiljano Musta për ndërhyrje të gabuar ndaj Vilës.
20′ Edon Hasani është i ndëshkuari i parë i sfidës me karton të verdhë për ndërhyrje të gabuar.
12′ Elbasani jep sinjalin e parë të rrezikshëm me Dros që provon drejt portës, por topi devijohet dhe shkon në këndore.
5′ Vendasit shfaqen më kërkues në këto minuta, por mungojnë rastet e rrezikshme në portën e Tafas.
1′ Starton sfida në “Elbasan Arena”
FORMACIONET ZYRTARE:
AF ELBASANI: Totoshi, Lulaj, Qaqi, Musta, Dros, Hasani, Melo, K.Kasa, Lila, Greca, Ze Gomesh. Trajner: R. Bordin
TEUTA: Tafas, Marku, Jazxhi, A.Peposhi, Kotobelli, Beqja, Kruja, Lloci, E.Peposhi, E.Vila, Arifi. Trajner: E.Martini
PANORAMASPORT.AL
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
