Këngëtarja e njohur shqiptare, Rita Ora, ka shprehur ngushëllimet e saj për ndarjen e papritur nga jeta të mikut dhe kolegut të saj, këngëtarit Liam Payne.
Në një postim emocional në Instagram, ajo e përshkroi atë si një njeri me shpirt të mrekullueshëm, duke shkruar: “Unë jam e shkatërruar. Ai kishte shpirtin më të mirë, nuk do ta harroj kurrë”.
“Më pëlqeu shumë të punoja me të, ishte një gëzim i madh të isha me të pranë skenës dhe jashtë saj. Ky lajm tragjik më thyen zemrën. Dërgoj gjithë dashurinë dhe lutjet e mia për familjen dhe të dashurit e tij. Kënga jonë “Për Ty” merr një kuptim krejtësisht të ri për mua tani. R.I.P.”, përfundoi këngëtarja.
Po ashtu, artistes me origjinë shqiptare iu desh të performonte mes lotësh këngën e tyre në një koncert, disa orë pasi dëgjoi lajmin e vdekjes së tij.
Gjatë këngës, një foto e tyre u projektua në ekranin e madh pas saj, ndërsa ajo këndonte mes lotësh.
Në pamjet e postuara në internet, këngëtarja u pa duke mbajtur kokën në duar ndërsa u kthye nga turma dhe ngriti sytë nga qielli dhe tha: “Nuk mund ta këndoj as këtë tani”.
Ish-anëtari i One Direction, Liam Payne, vdiq pasi u rrëzua nga kati i tretë i një hoteli në Buenos Aires, Argjentinë, tha policia.
La Nacion raporton se para incidentit, stafi i “Hotel Casa Sur” thirri policinë për të denoncuar “një person agresiv që mund të ishte nën ndikimin e drogës ose alkoolit”.
“Ne u lajmëruam për një person që ndodhej në një oborr të brendshëm të hotelit Casa Sur. Përgjigjet e para mbërritën dhe konfirmuan vdekjen e 31-vjeçarit. Më vonë zbuluam se ai ishte një këngëtar në një grup muzikor. Fatkeqësisht, ai kishte lëndime fatale si pasojë e rënies së tij, kështu që na u desh të konfirmojmë vdekjen e tij. Nuk kishte asnjë mundësi për reanimim ”, thuhet në deklaratën e autoriteteve lokale.
For You (With Rita Ora)
リアム・ペイン，リタ・オラ先程終わった大阪公演 の映像を拾う。
悲しみの中ほとんど歌えなかったみたい。@RitaOra @LiamPayne @liampaynejp
本日の大阪公演 #リタオラ はこの曲を歌えるのか？ 追悼の言葉とか思い出話はあるのか？ #RITAORA #ritaora pic.twitter.com/b58a71caYu— 肉 Jason 24 (@nikuniku2424241) October 17, 2024
