Interi dhe Napoli kanë ndarë pikët në barazimin 1-1 në “San Siro” që ka kthyer skuadrën e Kontes të vetme në vendin e parë në renditjen e Serisë A .
Dy golat e sfidës u shënuan në pjesën e parë, kur MekTominej i dha avantazhin miqve e Çalhanollu barazoi me një gjuajtje nga jashtë zonës para pushimit të ndeshjes.
Në pjesën e dytë, mesfushori turk kishte mundësinë të realizonte golin e përmbysjes nga pika e bardhë e penalltisë. Por ai goditi shtyllën në atë që ishte gabimi i tij i parë që kur ka zbarkuar në Serinë A dhe rezultati mbeti i pandryshuar deri në vërshëllimën përfundimtare,
Kësisoj, Napoli ngjitet në kuotën e 26 pikëve në kreun e Serisë A, me Interin që i bashkohet Atalantës, Fiorentinës dhe Lacios në kuotën e 25 pikëve në vendin e dytë.
INTER-NAPOLI 1-1
43’ Çalhanollu / 23′ MekToiminej
NGJARJET KRYESORE
90’ Jepen 4 minuta shtesë në fund të ndeshjes.
89’ De Vraj dhe Arnautoviç në vend të Lautaros dhe Bastonit janë lëvizjet e fundit të Inzagit.
83’ Lautaro vendos në provë aftësitë e Meret me një gjuajtje me kokë, por sinjalizohet më pas në pozicion jashtë loje.
82’ Taremi, Zielinski dhe Darmian hyjnë në fushë në vend të Turam, Çaljanollu dhe Dimarko.
77’ Barela tenton nga jashtë zonës, Meret i përgjigjet me një grushtim vendimtar. (VIDEO)
76’ Lukaku i lë vendin në fushë Simeones.
74’ SHTYLLË! Çalhanollu gabon në goditjen e tij duke goditur shtyllën. (VIDEO)
71’ Penallti për Interin! Në një aksion në të djathtën, Anguisa ndërhyn ndaj Dumfris dhe gjyqtari bën shenjë nga pika e bardhë pa hezituar. (VIDEO)
67’ Përsëri një mundësi e mirë nga e majta për Dimarkon, gjuajtja ndalet nga Meret i cili shmang golin. (VIDEO)
65’ Ndodh gjithçka në zonën e Napolit me Turam e Rrahmanin që tërheqin njëri-tjetrin e prekin topin me dorë, por gjyqtari vazhdon lojën. (VIDEO)
60’ Gilmur merr vendin e Lobotka te Napoli.
52’ Dimarko i afrohet golit me një gjuajtje nga jashtë zonës pas një goditje këndi, sfera ndalet nga shtylla. (VIDEO)
48’ Dumfris niset në kundërsulm në të majtën dhe gjen hapësira, ai pason për Lautaron i cili gabon kontrollin dhe pastaj tentativa e tij me thembër nuk shkon drejt portës. (VIDEO)
46’ Nis pjesa e dytë e ndeshjes.
45’ Pjesa e parë mbyllet me barazimin 1-1.
43’ GOOOL INTERI! Çalhanollu gjen hapësirë për të lëshuar një predhë nga distanca dhe mposht Meret që nuk mundet të ndalë goditjen e tij. (VIDEO)
39’ Meret shpëton portën e tij pasi Açerbi brenda zonës lëshon një gjuajtje të fortë, por që gjen devijimin me këmbë të portierit. (VIDEO)
35’ Lukaku nis një pasim në qendër për Kvaran, ndërhyrja e Açerbit shmang gjuajtjen drejt portës. (VIDEO)
28’ Barela harkon nga e djathta në zonë, Lautaro nuk arrin të gjuajë drejt portës.
23’ GOOOL NAPOLI! Pas një goditje nga këndi, Rrahmani devijon sferën dhe MekTominej e shtyn në portë, për t’i dhënë avantazhin napolitanëve. (VIDEO)
21’ Barela gjuan fluturimthi në hyrje të zonës, sfera përfundon jashtë ngjitur me shtyllën. (VIDEO)
16’ Buonxhorno ndal në mënyrë perfekte Pavard në zonë, duke shmangur një moment të rrezikshëm para portës. (VIDEO)
15’ Kundërsulm i shpejtë i Kvaratskhelia, por gjuajtja e tij devijohet dhe ndalet nga Zomer në pozicion. (VIDEO)
9’ Interi e ka nisur me vrull ndeshjen duke zhvendosur lojën në gjysmëfushën kundërshtare për harkimet në zonë nga aksionet apo goditjet standarte.
1’ Nis dueli në “San Siro”.
FORMACIONET ZYRTARE
INTER (3-5-2): Zomer; Pavard, Açerbi, Bastoni; Dumfris, Barela, Çalhanollu, Mkhitarjan, Dimarko; Turam, Lautaro Martinez.
Trajner: Simone Inzagi.
NAPOLI (4-3-3): Meret; Di Lorenco, Rrahmani, Buonxhorno, Olivera; Anguisa, Gilmur, MekTominej; Politano, Lukaku, Kvaratskhelia.
Trajner: Antonio Konte
PANORAMASPORT.AL
