![VIDEO/ Panik në kampionatin francez! Futbollisti bie pa ndjenja në fushë, ndeshja ndërpritet për 35 minuta 2 video panik ne kampionatin francez futbollisti bie pa ndjenja ne fushe ndeshja nderpritet per 35 minuta](https://botasot.co/wp-content/uploads/2024/08/video-panik-ne-kampionatin-francez-futbollisti-bie-pa-ndjenja-ne-fushe-ndeshja-nderpritet-per-35-minuta.jpg)
Reims dhe Lilë kanë përjetuar momente ankthi në stadium në ndeshjen mes tyre në Ligën 1. Një përplasje e dhunshme ka lënë pa ndjenja në fushë Angel Gomez dhe është dashur për shumë minuta ndihma e mjekëve që ai të largohej me ambulancë dhe ndeshja të rifillonte pas 35 minutash ndërprerje.
Në minutën e 18 të duelit, Gomez i Lilës u hodh në një duel ajror, por u përplas me shpatullën e Kone të vendasve, duke rënë menjëherë në tokë dhunshëm e duke përfunduar pa ndjenja.
Të gjithë lojtarët ndërhynë me shpejtësi për ta ndihmuar dhe ishte futbollisti Kabela ai i cili vrapoi për të sjellë maskën e oksigjenit se ndihma po vononte. Për shumë minuta në fushë mbretëroi kaos, derisa u bë e ditur se Gomez ishte i ndërgjegjshëm dhe se po përpiqeshin thjesht ta transportonin në ambulancë pa shkaktuar probleme.
Vetëm pasi lojtari u largua nga fusha, skuadrat vendosën të rifillonin lojën, pas një shtyrje që zgjati 35 minuta, ndërsa Kone ishte ndëshkuar me karton të kuq.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co