![VIDEO/ Përfshihet nga flakët Parku Kombëtar në malin e Tomorrit, ndërhyrja e zjarrfikëseve e pamundur 2 video perfshihet nga flaket parku kombetar ne malin e tomorrit nderhyrja e zjarrfikeseve e pamundur](https://botasot.co/wp-content/uploads/2024/08/video-perfshihet-nga-flaket-parku-kombetar-ne-malin-e-tomorrit-nderhyrja-e-zjarrfikeseve-e-pamundur.jpg)
Një zjarr i përmasave të mëdha ka rënë në Parkun Kombëtar në Malin e Tomorrit në Skrapar ditën e sotme.
[embedded content]
Zjarri mendohet të ketë qenë i qëllimshëm dhe është përhapur me shpejtësi drejt pyllit me pisha të Parkut Kombëtar, i favorizuar nga era dhe temperaturat e larta.
Drejt zonës së zjarrit kanë shkuar forcat zjarrfikëse të Skraparit dhe punonjësit e Agjencisë Rajonale të Zonave të Mbrojtura.
Terreni tejet i vështirë dhe i pamundur për futjen e mjeteve zjarrfikëse në zonën e zjarrit ka bërë që të punohet për fikjen e flakëve me mjete rrethanore dhe pompa uji shpine.
Drejt Parkut të Tomorrit, në ndihmë të zjarrfikësve të Skraparit janë nisur forca nga Berati dhe Poliçani, ndërkohë që atyre u janë bashkuar edhe banorë të zonës.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co