Një tjetër shpërthim, i gjashti që nga muaji qershor dhe i treti në dhjetë ditët e fundit, ka ndodhur gjatë natës së kaluar në qendër të Këlnit.
Shpërthimi mësohet se ka ndodhur në një kafene që sapo ishte hapur, në katin e parë të një pallati. Banorët janë evakuuar menjëherë në një vend aty pranë.
Policia ka lajmëruar se shpërthimi ka ndodhur në orën 02:45 me orën lokale. Për pasojë, dy persona janë plagosur lehtë, ndërsa kafeneja është shkatërruar thuajse plotësisht.
[embedded content]
BILD raporton se policia ka përqendruar hetimet në faktin se ky shpërthim mund të ketë lidhje edhe me ngjarjet e ngjashme, që kanë ndodhur më herët në Këln. Efektivët dyshojnë se në shpërthime mund të jetë gisht mafia Mocro, që vepron në rajon.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
