Vdekja e një vajze 15-vjeçare, e cila u qëllua nga oficerët e policisë teksa vraponte drejt tyre për të kërkuar ndihmë, ka shkaktuar zemërim në Kaliforni. Videoja që po bën xhiron e internetit që prej ditës së djeshme zbulon atë që ndodhi në autostradën 15 në Hesperia më 27 shtator 2022. Videoja u bë publike për herë të parë dy vjet pas tragjedisë, me kërkesë të gazetarit Joey Scott, i cili në postimin e tij në X foli për keqinterpretimin e fakteve nga Sherifi i Qarkut San Bernardino.

Sipas New York Post, adoleshentja u raportua e zhdukur pasi nëna e saj, Tracy Martinez, u vra nga babai i saj, Anthony John Graziano, më 26 shtator 2022. Një ditë më vonë, policia gjeti automjetin e Anthony, që besohet se kishte rrëmbyer, vajzën e tij pasi vrau nënën e saj dhe e kanë ndjekur për rreth 110 km. Në sediljen e pasagjerit të mjetit ndodhej edhe vajza.

Kur Graziano më në fund e kuptoi se nuk mund të ikte, hapi zjarr ndaj oficerëve me një armë gjysmë automatike dhe ndaloi automjetin. Më pas, vajza ka dalë nga dera e pasagjerit, ndërsa njëri prej policëve i ka bërtitur që të vrapojë drejt tij.

HEARTBREAKING IN CALIFORNIA: In chilling new helicopter footage, Savannah Graziano, a teenage kidnapping victim, is tragically shot dead by police while running towards them for help, despite one officer’s desperate plea to fellow deputies to ‘stop shooting her’. WATCH pic.twitter.com/QiK5v2hTPW

— Simon Ateba (@simonateba) April 2, 2024

Pak sekonda më vonë dhe teksa adoleshentja po vrapon drejt një veture policie për të shpëtuar veten, oficerë të tjerë e hedhin dhe ajo bie përtokë e gjakosur, ndërsa kolegu i tyre u bërtet atyre që të ndalojnë të shtënat sepse i dyshuari ndodhet në makinë.

San Bernardino Sheriff’s finally released the video of their shooting of unarmed teenager Savannah Graziano. The only speculation and misrepresentations in this case have come from the Sheriff himself. https://t.co/OJYgHsuhIC pic.twitter.com/D8hNhugcYm

— Joey Scott (@joeyneverjoe) April 3, 2024

Vajza u dërgua në spital ku u konstatua vdekja, ndërsa babai i saj vdiq në vend nga zjarri i policisë.

Sipas raportit të NYP, oficerët nuk mbanin kamera në uniformat e tyre gjatë operacionit dhe pas incidentit Sherifi i San Bernardino tha se vajza dukej se kishte veshur diçka si “pajisje ushtarake” kur doli nga automjeti.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co