![Video tronditëse nga Teksas, dy fëmijë të vegjël me pelena në autostradë pas një aksidenti me makinë 2 video tronditese nga teksas dy femije te vegjel me pelena ne autostrade pas nje aksidenti me makine](https://botasot.co/wp-content/uploads/2024/08/video-tronditese-nga-teksas-dy-femije-te-vegjel-me-pelena-ne-autostrade-pas-nje-aksidenti-me-makine.png)
Dy fëmijë të vegjël, të moshës 1 dhe 4 vjeç, u hodhën nga xhipi që ngiste babai i tyre kur u përplas me një automjet tjetër në një autostradë të Teksasit të dielën e kaluar, duke i lënë të bllokuar për disa minuta mes makinave që kalonin.
Skena tronditëse pas aksidentit u kap nga një dëshmitar okular i quajtur Victor Cordova, i cili po kthehej në shtëpi nga puna kur pa dy të vegjlit me pelena në autostradën I-10 dhe dy burra (babai i tyre dhe një tjetër) duke vrapuar drejt tyre.
Në fillim Cordova kishte frikë se fëmijët ishin vrarë, por shpejt u qetësua duke parë të vegjlit duke lëvizur, megjithëse të tmerruar. Fatmirësisht asnjë nga makinat që kalonin nuk i ka goditur fëmijët, të cilët janë dërguar në spitalin ku qëndrojnë edhe sot e kësaj dite.
Zyra e sherifit tha se hetimi për incidentin nuk ka përfunduar, por babai 25-vjeçar mund të përballet me akuza për dështimin për t’u siguruar që fëmijët e tij të ishin në një sedilje makine të miratuar.
Two toddlers, still in their diapers, walked away fine after being ejected from a Jeep that had flipped on a Texas highway
— Dallas Texas TV (@DallasTexasTV) August 13, 2024
Kjo ishte një nga arsyet që Cordova, një baba edhe vetë, donte që prindërit e tjerë të shihnin videon që ai regjistroi. “Edhe nëse është një distancë e shkurtër, të gjithë prindërit duhet të sigurohen që fëmijët e tyre të jenë të sigurt,” tha Cordova.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co