![“Vijë e kuqe që nuk duhet kaluar”, Pekini i kërkon SHBA-ve të ndalojnë bashkëpunimin me ushtrine e Tajvanit 2 vije e kuqe qe nuk duhet kaluar pekini i kerkon shba ve te ndalojne bashkepunimin me ushtrine e tajvanit](https://botasot.co/wp-content/uploads/2024/08/vije-e-kuqe-qe-nuk-duhet-kaluar-pekini-i-kerkon-shba-ve-te-ndalojne-bashkepunimin-me-ushtrine-e-tajvanit.jpg)
Uashingtoni duhet të ndalojë bashkëpunimin e tij me ushtrinë tajvaneze dhe të respektojë interesat thelbësore të Kinës, ka thënë nënkryetari i Komisionit Qendror Ushtarak Kinez Zhang Youxia, duke e quajtur çështjen e Tajvanit jetike për Pekinin.
Gjatë një takimi me Këshilltarin e Sigurisë Kombëtare të SHBA-së, Jake Sullivan në Pekin të enjten, Zhang kërkoi që SHBA “të ndalojë marrëveshjen e saj ushtarake me Tajvanin, të ndalojë armatosjen e tij dhe të ndalojë përhapjen e “thashethemeve të rreme” lidhur me të”, sipas një transkripti të publikuar nga Ministria e Mbrojtjes kineze.
Zhang shtoi se çështja e Tajvanit, e cila shihet nga Pekini si një pjesë e patjetërsueshme e Kinës, është “themeli politik i marrëdhënieve Kinë-SHBA” dhe “vija numër një e kuqe që nuk duhet të kalohet”. Ai theksoi se Pekini gjithmonë ka kërkuar të ruajë paqen dhe stabilitetin në ngushticën e Tajvanit, por paralajmëroi se kjo nuk do të jetë e mundur nëse ka një përpjekje për të ndarë Tajvanin nga pjesa tjetër e vendit.
“Misioni dhe detyra e Ushtrisë Çlirimtare Popullore të Kinës është të kundërshtojë me vendosmëri përkrahësit e të ashtuquajturës pavarësi të Tajvanit dhe të promovojë bashkimin,” tha Zhang. “Ne jemi të detyruar t’i rezistojmë provokimeve të pamatura të forcave separatiste.”
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co