Presidenti rus Vladimir Putin ka lavdëruar Korenë e Veriut për “mbështetje të vendosur” në luftën e Moskës në Ukrainë, përpara vizitës së tij të parë në Phenian në 24 vjet.
Putin pritet të mbërrijë në kryeqytet për të takuar liderin e Koresë së Veriut Kim Jong Un të martën.
Dy liderët u takuan për herë të fundit në shtator në kozmodromin Vostochny në lindjen e largët të Rusisë, por kjo është vizita e parë e Putinit në Phenian që nga viti 2000.
Në një letër të publikuar në mediat shtetërore të Koresë së Veriut, Putin premtoi të ndërtojë sisteme tregtare dhe sigurie me Phenianin “që nuk kontrollohen nga Perëndimi”.
Presidenti Putin u zotua gjithashtu për mbështetje për përpjekjet e Phenianit për të mbrojtur interesat e tij pavarësisht nga ato që ai e quajti “presion, shantazh dhe kërcënime ushtarake të SHBA”, në artikullin e botuar në Rodong Sinmun, zëdhënësi i partisë në pushtet të Koresë së Veriut.
Ai tha se të dy vendet do të vazhdojnë të kundërshtojnë me vendosmëri ato që ai i përshkroi si ambicie perëndimore “për të penguar vendosjen e një rendi botëror të shumëpolarizuar të bazuar në respektin e ndërsjellë për drejtësinë”.
Shtetet e Bashkuara thanë se ishin të shqetësuara për thellimin e marrëdhënieve midis këtyre dy vendeve.
Kremlini e ka përshkruar si një “vizitë shtetërore miqësore” teksa mediat ruse që raportojnë se Putin dhe Kim mund të nënshkruajnë një marrëveshje partneriteti, duke përfshirë çështjet e sigurisë, dhe do të japin deklarata të përbashkëta për mediat.
Parashikohet një paradë në sheshin Kim Il Sung. Putin pritet gjithashtu të shikojë një koncert dhe të vizitojë Kishën Ortodokse të Trinisë Jetëdhënëse në Phenian, e vetmja kishë ortodokse në Korenë e Veriut.
Raportohet se lideri rus do të qëndrojë në bujtinë Kumsusan në Phenian, ku lideri kinez Xi Jinping qëndroi për herë të fundit gjatë vizitës së tij shtetërore në Korenë e Veriut në vitin 2019.
Putin pritet të mbërrijë me ministrin e tij të ri të mbrojtjes, Andrei Belousov, ndërsa pjesë e delegacionit do të jenë edhe ministri i Jashtëm Sergei Lavrov dhe zëvendëskryeministri Alexander Novak.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
