Raportuesja e posaçme e Parlamentit Evropian për Kosovën, Viola von Cramon, ka deklaruar se pas një takimi në Strasburg me përfaqësuesit politikë të shqiptarëve të Luginës së Preshevës, diskriminimi sistematik ndaj tyre duhet të ndërpritet.

Von Cramon ka deklaruar në rrjetin social “X” se ka pasur një takim të rëndësishëm me përfaqësuesit politikë të minoritetit shqiptar nga jugu i Serbisë.

Diskriminimi sistematik ndaj tyre, duke përfshirë “pasivizimin” e adresave, nga ana e qeverisë serbe është i papranueshëm dhe duhet të ndalet menjëherë”, ka shkruar Viola von Cramon.

Important meeting with the political representatives of #Albanian minority from the south of #Serbia.

The systematic discrimination against them, including the ‘passivisation’ of addresses, by @SerbianGov is unacceptable and must be stopped immediately!@shkamberi pic.twitter.com/Xc4oL1ZHJY

— Viola von Cramon 🇺🇦🇪🇺🇮🇱 (@ViolavonCramon) April 24, 2024

Shaip Kamberi, Ardita Sinani dhe Ragmi Mustafi kanë shkuar për një vizitë treditore në Strasburg, ku kanë pasur të planifikuar takime me përfaqësues të vendeve të Bashkimit Evropian, Asamblenë Parlamentare të Këshillit të Evropës dhe eurodeputetë. Aktivitetet e tyre janë financuar nga qeveria e Kosovës.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co