![Vrasja e Eglantin Progës/ Motra e autorit pas vendimit të gjykatës: E turpshme që disa lihen të lirë, Egli po vritet sërish 2 vrasja e eglantin proges motra e autorit pas vendimit te gjykates e turpshme qe disa lihen te lire egli po vritet serish](https://botasot.co/wp-content/uploads/2024/08/vrasja-e-eglantin-proges-motra-e-autorit-pas-vendimit-te-gjykates-e-turpshme-qe-disa-lihen-te-lire-egli-po-vritet-serish.jpg)
Sot Gjykata e Pogradecit ka lënë në “arrest me burg” Denis Meçen, akuzuar për veprën penale “Vrasja nga pakujdesia”. Ndërsa, janë lënë në detyrim paraqitje tre shtetas të tjerë.
Gazetarja Lorena Kodra raporton për Balkanweb se pas këtyre vendimeve të dhëna nga gjykata, ka reaguar edhe motra e viktimës, si dhe një i afërm i tij. Motra tha se drejtësia nuk ka bërë drejtësi dhe se Egli u vra sërish. Ndërsa, i afërmi u shpreh se ata që kanë kryer krimin janë kriminelë dhe i njeh gjithë Pogradeci.
Reagon motra e viktimës pas vendimit të gjykatës : “Po flisni për padrejtësi që filloi nga policia e shtetit, padrejtësi duke filluar nga regjistrimet, cdo akt që kanë sjellë ata, akt që ka shoqëruar edhe gjykatën në padrejtësi. Janë lënë të lirë të gjithë vrasësit, flasim për padrejtësi të menjëhershme, në kohë, në bashkëpunim. Flasim për banda të bëra bashkë. Kam parë skedën e vdekjes, me shënim “është vrasje”. Cfarë janë këta të tjerët që lihen me detyrim paraqitje?
Po vazhdon të vritet Egli, me cdo veprim dhe mosveprim që është duke u kryer. Kjo është vrasje për herë të tretë.
Po flasim për vrasje me dashje, në bashkëpunim, në masë, të një njeriu të pafajshëm dhe janë lëshuar një tufë huliganësh. Kjo është.
Duke njohur kontigjentët, unë nuk jam në dijeni për gjobë, por duke njohur elementët është gjëja më e rëndë. Kur guxohet ta vrasësh, me grushta një njeri, do të thotë që ccdo gjë tjetër është e mundur. Është bërë më ekstremi, më e madhja.”
[embedded content]
I afërmi tjetër hedh akuza të forta: “Gjithcka pritet nga këta kriminelë. Në qytetin e Pogradecit këta njihen shumë mirë për gjobvënie, jam pa fjalë. Nuk di cfarë të them. Dua që drejtësia të vihet në vend. Ju lutem mediat të bëjnë të pamundurën, të zbardhin të vërtetën ose nuk e di c’të them. Këta janë kriminela të gjithë në bashkëpunim.”
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co