Në një intervistë të drejtpërdrejtë në rubrikën “Çështja e Ditës” në News24, eksperti i sigurisë, Fatjon Softa, ka ofruar një analizë të thellë mbi ngjarjen e rëndë që tronditi opinionin publik në vend, vrasjen e 62-vjeçarit Enver Balla nga djali i tij, Esmerald Balla.

Softa ka deklaruar se një nga elementët kyç në hetim është shuma e madhe e parave, konkretisht 75 mijë euro, të cilat janë një shifër e konsiderueshme dhe kërkojnë një hetim të hollësishëm për të zbuluar se si janë grumbulluar këto para dhe nëse ato kanë ndikuar në motivet e krimit.

Një tjetër aspekt i rëndësishëm është përdorimi i armës. Softa nënvizon se faktin që autori ka pasur një armë mund të nënkuptojë një paramendim të veprës dhe një planifikim të mundshëm për të kryer krimin. Hetimi duhet të përfshijë edhe origjinën e armës dhe nëse ajo është marrë ligjërisht ose jo.

Një detaj tjetër që ka ngjallur interes është thirrja e një shoku nga ana e Esmerald Ballës për të fshehur vrasjen e babait të tij. Ky veprim, sipas tij kërkon një hetim të mëtejshëm për të kuptuar rolin e këtij personi dhe ndikimin e tij mbi ngjarjen.

Në përfundim, eksperti ka sugjeruar se Esmerald Balla ka tentuar të veprojë në mënyrë të qetë dhe të zgjuar për të mbuluar krimin, megjithatë, ai ka bërë gabime që kanë nxjerrë në pah disa detaje të rëndësishme për hetimin e mëtejshëm.

Burimi informacionit @BalkanWeb: Lexo me shume ne : Bota Sot News botasot.co