Një sulm rus la të vdekur të paktën pesë civilë dhe plagosi pesë të tjerë të shtunën në qytetin lindor të Ukrainës, Kostiantynivka, bëri të ditur një guvernator rajonal.

Vadym Filashkin, guvernatori i Donetskut, njoftoi se ekipet dhe policia po punonin në vendin e sulmit, i cili ndodhi herët të shtunën, raporton Reuters.

“Ju bëj thirrje të gjithëve përsëri: kujdesuni për veten, evakuohuni”, shkroi Filashkin në aplikacionin e mesazheve Telegram, pa dhënë detaje të mëtejshme rreth sulmit.

Kostiantynivka ndodhet afër zonës luftarake aktive në Donetsk, ku forcat ruse kanë lëvizur përpara prej muajsh.

Përparimi rus u përshpejtua javët e fundit ndërsa trupat e Moskës po kryejnë sulme të shumta në drejtim të qendrës strategjike logjistike të Pokrovskut.

Burimi informacionit @BalkanWeb: Lexo me shume ne : Bota Sot News botasot.co