Presidenti i Serbisë, Aleksandër Vuçiç ka deklaruar se kryeministri i i Kosovës, Albin Kurti, do që para zgjedhjeve presidenciale në SHBA “të shkaktojë konflikte”.
Sipas tij, “Kurtit po i kalon koha dhe me provokime dëshiron të kthejë NATO-n kundër Serbisë”.
“Është shumë nervoz. Pozita e tij politike nuk është aq e thjeshtë sa ishte, për shembull, dy vjet më parë,” tha Vuçiç.
Duke propaganduar, Vuçiç nuk e la pa e përmendur edhe mbylljen e disa pikave të Postës së Serbisë në Kosovë.
Madje, përkundër se QUINT ka reaguar kundër aksionit të autoriteteve të Kosovës, Vuçiq ka pyetur pse reagimi nuk është më i ashpër.
“Ne kemi marrëveshje të nënshkruara për postën dhe telekomunikacionin, të cilat, siç e shihni dhe sipas fjalëve të Quintit, janë shkelur dhe shkatërruar brutalisht. E tani, pse ata nuk reagojnë më ashpër? Është e qartë pse, sepse po mbrojnë fëmijën e tyre. Por unë shpresoj që nesër KFOR-i do të reagojë si duhet, që në përputhje me gjithçka që kanë thënë ditët e fundit, të mbyllin urën dhe të parandalojnë vërshimin e shqiptarëve”, ka deklaruar Vuçiç.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
