Serbia nënshkroi një ditë më parë (29 gusht) me Francën marrëveshje për blerjen e avionëve ushtarakë francez “Rafale”.

Marrëveshja me vlerë prej 2.7 miliardë eurosh, sipas zyrtarëve francez, është pjesë e strategjisë më të gjerë për ta afruar Serbinë me Bashkimin Evropian.

Kryeministri i Kosovës, Albin Kurti, gjatë homazheve në përmendoren dedikuar personave të zhdukur gjatë luftës, u pyet rreth kësaj marrëveshjeje.

Ai shprehu se Francën e konsiderojnë vend aleat dhe partner shumë të rëndësishëm edhe në BE edhe në NATO.

“Ne bëjmë sundim ligji, rend publik, njëkohësisht me paqe dhe siguri për të gjithë qytetarët pa dallim dhe në këtë aspekt duam edhe bashkëpunimin e ngushtë edhe mbështetjen ndërkombëtare përfshirë këtu edhe Francën që e konsiderojmë vend mik, aleat dhe partner shumë të rëndësishëm edhe në Bashkimin Evropian edhe në NATO”, tha Kurti.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co