Nicholas Perry apo ndryshe Nikocado Avocado, një YouTuber popullor i njohur për përmbajtjet e tij të lidhura me ushqimin, së fundmi ka mahnitur audiencën me një transformim dramatik pas humbjes në peshë. Në një kthesë befasuese, Perry zbuloi se ai kishte humbur mbi 113 kilogramë gjatë dy viteve të fundit.

Zbulimi erdhi në një video të titulluar “Dy hapa përpara”, ku Perry ndau detaje të rrugëtimit të tij, përcjell Telegrafi. Videoja virale e cila tashmë ka mbledhur mbi 20 milionë shikime, fillon me Perryn që thotë: “Unë jam gjithmonë dy hapa përpara”.

Ai vazhdon duke thënë: “Ky ka qenë eksperimenti më i madh social i gjithë jetës sime. Është shqetësues, është imponues, është mbresëlënës të shikosh këta individë të sëmurë, të çorientuar që enden në internet në kërkim të historive, ideve dhe rivaliteteve që i bëjnë ata të ndihen të inkurajuar dhe angazhuar”.

[embedded content]

Perry më pas përmend se ai është zgjuar nga një “ëndërr shumë e gjatë” gjatë së cilës ai humbi “113 kilogramë nga trupi i tij”.

Në një video tjetër të titulluar “Përshëndetje”, e postuar në një kanal tjetër në YouTube, Perry, së bashku me papagallin e tij, shfaqet shumë më miqësor teksa shpjegon shkurtimisht rrugëtimin e tij.

Burimi informacionit @BalkanWeb: Lexo me shume ne : Bota Sot News botasot.co