Rei Manaj kërkon me çdo kusht të largohet nga Sivaspori dhe këtë ia ka kërkuar edhe klubit të tij aktual. Futbollisti shqiptar raportohet se ka zhvilluar një takim me drejtuesit, duke i kërkuar që ta lejojnë të largohet në merkaton e janarit, për t’iu bashkuar Trabzonsporit.
Sipas asaj që raportojnë në Turqi, Manaj ka shprehur gatishmërinë të heqë dorë nga bonuse të rëndësishme të kontratës aktuale për të mundësuar transferimin e tij, në mënyrë që të ulë vlerën që Sivaspor i ka vënë kartonit të tij. Megjithatë, duhet theksuar se tashmë klubi nuk kërkon shifra të mëdha prej 10-15 milionë eurosh siç pretendonte në verë, por shuma më të ulëta.
Bëhet e ditur se sipas klubit, për të blerë Manajn mjaftojnë 3 milionë euro, por oferta që ka marrë deri tani nga Trabzonspor është vetëm 1,3 milionë euro dhe tre lojtarë në huazim me të drejtë blerje.
PANORAMASPORT.AL
