Presidenti ukrainas Volodymyr Zelensky pretendoi se një raketë ruse goditi një anije që transportonte grurë në Detin e Zi .

“Raketat ruse kundër një ngarkese gruri të destinuar për në Egjipt. Sonte, Rusia nisi një sulm mbi një anije të zakonshme civile në Detin e Zi menjëherë pasi ajo u largua nga ujërat territoriale të Ukrainës,” tha Zelensky në X.

Duke thënë se nuk pati viktima për shkak të sulmit, Zelensky e përshkroi Ukrainën si një “garantues kryesor global të sigurisë ushqimore”.

Zelensky tha se stabiliteti i dhjetëra vendeve anembanë botës varet nga funksionimi normal dhe i papenguar i korridorit të grurit të Ukrainës, duke përcaktuar dërgesat e ushqimit të Kievit në vendet afrikane dhe të Lindjes së Mesme si kritike.

“Ne do të vazhdojmë të bëjmë çdo përpjekje për të mbrojtur portet tona, Detin e Zi dhe eksportet e ushqimit në tregjet globale. Ky është prioriteti i vërtetë i Ukrainës – mbrojtja e jetës – dhe duhet të jetë prioriteti i të gjitha vendeve,” tha më tej Zelensky.

“Ne presim që bota të reagojë. Siguria e grurit dhe ushqimit nuk duhet të jenë kurrë objektiva të raketave,” shtoi ai.

Autoritetet ruse nuk kanë komentuar ende mbi pretendimin.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co