Robert F. Kennedy Jr është tërhequr nga gara si kandidat i pavarur për president në SHBA.
Lajmi është bërë me dije përpara takimit elektoral në Arizona, ku zëdhënësit e tij kanë bërë me dije se Robert F. Kennedy Jr është tërhequr dhe se tashmë do të mbështes Donald Trump për president.
Sipas AP, ai ka depozituar një dosje në gjykatë në Pensilvani ku kërkoi që të hiqej nga fleta e votimit atje. Dhe të enjten, zyrtarët e Arizonës thanë se Kennedy dorëzoi dokumentet për të hequr veten nga votimi presidencial në këtë shtet.
Kennedy do të mbajë një fjalim të premten pasdite në Feniks mbi të ardhmen e fushatës së tij, ku pritet edhe të njoftoj edhe një herë tërheqjen e tij.
Disa orë më pas, Trump do të mbajë një tubim zgjedhor, në qytetin Glendale. Ai ka paralajmëruar pjesëmarrjen e një “të ftuari të veçantë” në këtë tubim, që mesa duket do të jetë Robert F. Kennedy Jr.
Kohët e fundit, të dy kandidatët kanë shtuar lëvdatat për njëri tjetrin, ndërsa këshilltarë respektivë kanë zhvilluar biseda private.
Kennedy është nipi i ish-presidentit amerikan John F Kennedy, i cili u vra në Dallas në vitin 1963. Ai është gjithashtu djali i ish-prokurorit të përgjithshëm amerikan Robert F Kennedy, vëllai i JFK-së, i cili më vonë nisi ofertën e tij presidenciale. Ai u vra në vitin 1968. RFK Jr ishte 14 vjeç kur babai i tij u vra.
Pavarësisht historisë së familjes së tij me Partinë Demokratike, RFK Jr kandidon si i pavarur.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
