Zgjedhjet për Kuvendin e Republikës së Kosovës, Presidentja Osmani firmos dekretin! Ja data e përzgjedhur

Presidentja e Republikës së Kosovës, Vjosa Osmani, ka dekretuar ditën e sotme datën për zgjedhjet e rregullta të Kuvendit të Republikës së Kosovës.

Në dekretin e firmosur nga Osmani, data 9 shkurt do të shërbejë si dita kur do të zhvillohen zgjedhjet e rregullta të për Kuvendin e Republikës së Kosovës.

Po kështu, përmes dekretit, Komisioni Qendror i Zgjedhjeve udhëzohet të ndërmarrë të gjitha veprimet e nevojshme për organizimin dhe mbajtjen e zgjedhjeve.

Vendimi i presidentes vjen dy javë pas takimit që pati me krerët e partive politike, takim ky i cili u mbajt pa prezencën e LVV-së.

Sakaq, dekreti ka hyrë menjëherë në fuqi ditën e sotme.