Shtatë persona kanë vdekur, duke përfshirë tre fëmijë, në një zjarr që shpërtheu në orët e para të së enjtes në qytetin jugor francez të Nisës.

Prokurori lokal tha se zyrtarët po hetonin zjarrin si një sulm i mundshëm zjarrvënie. Flaka përfshiu katet e sipërme të një blloku apartamentesh në zonën Moulins të Nicës, afër aeroportit të qytetit.

Ministri i Brendshëm Gerald Darmanin tha se tre fëmijë të vegjël ishin në mesin e viktimave dhe se policia “do të hedhë dritë mbi rrethanat e kësaj tragjedie të tmerrshme”. Zjarri ka rënë në katin e shtatë. Prokurori i Nice-s, Damien Martinelli u tha gazetarëve se në gjetjet fillestare, “kam hapur një hetim për aktet e zjarrvënieve si shkak i vdekjes”.

Raportet lokale thanë se shtatë viktimat ishin të gjithë pjesë e së njëjtës familje dhe fëmijët që vdiqën ishin të moshës pesë, shtatë dhe 10 vjeç. Dy persona thuhet se janë përpjekur të arratisen nga një dritare – njëri vdiq dhe tjetri është në gjendje kritike.

Një burrë i quajtur Iftahou tha për faqen e internetit të Nice Matin se ai kishte mbërritur në vendngjarje ndërsa zjarri po digjej dhe e kuptoi se nuk kishte shpresë për ata që ishin brenda.

🚨#BREAKING: At least seven people have been killed and four others were injured during an apartment building fire in the Les Moulins neighborhood of Nice, France on early Thursday morning, an official said.pic.twitter.com/UymHlW4Yfk

— R A W S G L 🌎 B A L (@RawsGlobal) July 18, 2024

Kreu i komunitetit Comorian në jug të Francës, Najim Maecha, tha se ai e njihte familjen dhe se ata kishin jetuar në Nice që nga viti 2013.

Kryetari i bashkisë së Nicës, Christian Estrosi tha se numri i njerëzve të përfshirë në katastrofë ishte jashtëzakonisht i lartë. Përveç shtatë viktimave, 30 persona të tjerë kanë thither tepër tym.

“Kam kërkuar nga ministri i Brendshëm të vendosë forca sigurie për të garantuar sigurinë e banorëve dhe për të shmangur incidentet e reja pas kësaj tragjedie që po hetohet si zjarrvënie e mundshme,” tha ai.

(balkanweb)

Burimi informacionit @BalkanWeb: Lexo me shume ne : Bota Sot News botasot.co