![Zjarr në Berat, terreni i thyer vështirëson punën e zjarrfikësve! Flakët po shuhen me mjete rrethanore 2 zjarr ne berat terreni i thyer veshtireson punen e zjarrfikesve flaket po shuhen me mjete rrethanore](https://botasot.co/wp-content/uploads/2024/08/zjarr-ne-berat-terreni-i-thyer-veshtireson-punen-e-zjarrfikesve-flaket-po-shuhen-me-mjete-rrethanore.jpg)
Një zjarr ka rënë pasditen e sotme në fshatin Malinat të Beratit. Zjarri, i cili dyshohet se ka qenë i qëllimshëm, u përhap me shpejtësi drejt zonës kodrinore të mbjellë me hardhi e pemtari, i favorizuar nga era dhe temperaturat e larta.
Drejt zonës shkuan 20 zjarrfikës nga Berati, 10 nga Poliçani dhe forca policie. Terreni i vështirë e ka bërë të pamundur futjen e mjeteve zjarrfikëse drejt zonës së zjarrit dhe për këtë arsye u punua me mjete rrethanore dhe pompa uji shpine.
Si rezultat i ndërhyrjes së menjëheeshme, u bë i mundur izolimi i zjarrit, duke u shmangur përhapja drejt fshatit Malinat dhe plantacioneve me pemë frutore dhe ullinj. Zjarri është lokalizuar dhe po punohet për fikjen e tij të plotë pasi në zonë ka ende disa vatra aktive tymi që po mbahen nën monitorim.
Si pasojë e zjarrit është djegur një sipërfaqe prej 2 ha me bimësi të egër dhe rreth 50 rrënjë ullinj në pronësi të shtetasit Fitim Hadaj, banor i fshatit Malinat.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co