Sulmuesi shqiptar nga Miloti, Dardan Vuthaj, i magjepsi të gjithë në sezonin 2021-2022, teksa realizoi plot 37 gola në 41 ndeshje me fanellën e Novarës në Serinë D, duke bërë bujë të madhe në Itali, ndërkohë që së fundmi ka vendosur të vijojë karrierën në Shqipëri, duke u prezantuar te kampionët e Egnatias.
Kjo nuk është eksperienca e parë e Vuthajt në futbollin shqiptar, pasi në sezonin 2015-2016 ka qenë pjesë e Laçit. Sulmuesi 28-vjeçar ka provuar të luajë edhe në Serinë C italiane ku ka shënuar edhe 15 gola. Ndërkohë me fanellën e Laçit ai është aktivizuar gjithsej 8 ndeshje, 4 në Kupë dhe 4 në kampionat.
Vuthaj është prezantuar sot nga presidenti Demrozi dhe do të jetë në dispozicion të trajnerit Tetova. Së fundmi suluesi ishte pjesë e Cerignolas në Serinë C.
NJOFTIMI I EGNATIAS:
Klubi ka kënaqesin të njoftoj se në “Bordin e avionit të kampionëve” ka hypur një “luftëtar” i ri. Dardan Vuthaj ka firmosur për dy sezone duke nisur kështu një udhëtim të gjatë me ne.
Presidenti Agim Demrozi i ka uruar mirë se ardhjen sulmuesit i cili vjen pas aventurave me disa skudra të njohura në Itali.
PANORAMASPORT.AL
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
