![Zyrtari i lartë kinez në Tiranë, pritet nga ministri i Jashtëm Igli Hasani, diskutime për bashkëpunimin mes vendeve 2 zyrtari i larte kinez ne tirane pritet nga ministri i jashtem igli hasani diskutime per bashkepunimin mes vendeve](https://botasot.co/wp-content/uploads/2024/07/zyrtari-i-larte-kinez-ne-tirane-pritet-nga-ministri-i-jashtem-igli-hasani-diskutime-per-bashkepunimin-mes-vendeve.jpg)
Ministri për Evropën dhe Punët e Jashtme, Igli Hasani, priti në një takim të Dërguarin e Posaçëm të Qeverisë kineze për Çështjet Evropiane, Wu Hongbo, i cili vizitoi Shqipërinë.
Vizita e Hongbo vjen në 75-vjetorin e vendosjes së marrëdhënieve diplomatike mes dy vendeve, moment i cili nënvizon vullnetin për të çuar më tej mirëkuptimin e ndërsjellë dhe bashkëpunimin për të ardhmen.
Të dy vlerësuan angazhimin dypalësh për të punuar së bashku, për forcimin e marrëdhënieve, bashkëpunimin dypalësh dhe atë shumëpalësh në fusha me interes të përbashkët dhe atë global.
Palët ripohuan rëndësinë e rritjes së shkëmbimeve mes popujve, si një bazë që nxit mirëkuptimin dhe besimin e ndërsjellë për të ardhmen dhe shërben si katalizator për gjenerimin e zgjidhjeve dhe adresimin e sfidave.
Dy zyrtarët u fokusua në nevojën e bashkëpunimit në fushën e turizmit, biznesit dhe tregtisë, për të krijuar hapësira në tregjet kineze për produktet shqiptare.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co