Policia e Güímar në Spanjë ka çmontuar një plantacion të gjerë marijuane në afërsi të Puertito, ku janë sekuestruar më shumë se 1000 bimë, duke çuar në arrestimin e një individi me kombësi shqiptare dhe hetimin e katër të huajve të tjerë.

Operacioni i policisë nisi pas zbulimit të disa shenjave që tregonin për një qendër të konsiderueshme të prodhimit të kanabisit në zonë. Hetimet paraprake konfirmuan dyshimet duke zbuluar një serë klandestine të përdorur për kultivimin intensiv të marijuanës në një fermë bujqësore. Gjatë kontrollit në pronë, Policia gjeti një plantacion marijuane në fazën e lulëzimit me bimë mbi 1.60 metra të larta dhe dy zona të brendshme të rritjes në faza të ndryshme zhvillimi.

Në total, u konfiskuan më shumë se 1500 bimë kanabisi, si dhe pajisje ndriçimi, ngrohjeje dhe ajrimi thelbësore për kultivim. Gjithashtu, u sekuestruan më shumë se 8 kilogramë sytha marijuanë, tashmë të thara dhe të përgatitura për shpërndarje, duke u sekuestruar gjithsej 65 kilogramë drogë. Personi përgjegjës për plantacionin u arrestua dhe u akuzua për krim kundër shëndetit publik. Si i arrestuari, ashtu edhe marijuana e sekuestruar dhe materialet e konfiskuara i janë vënë në dispozicion Gjykatës Hetimore të Guimarit.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co