E ftuar në emisionin “Living Room” në Vizion Plus, aktorja e njohur Eva Alikaj ka kujtuar me nostalgji fillimet e saj të karrierës, ku për herë të parë përmendi një detaj shumë interesant.

Ajo tha se kolegu i saj, aktori Ndriçim Xhepa i ka dhuruar artistes një make up gjatë xhirimeve, kjo pasi Alikaj ishte shumë e fiksuar me kujdesit ndaj vetes.

Brunilda Lahe: Make up-et ku i gjeje?

Eva Alikaj: Më kujtohet më ka dhuruar njëherë Çimi një make up bojëqejlli, një të vogël, tek filmi “Njeriu i Mirë”. Mbase ia ka marrë Margaritës se unë sa kisha filluar në teatër. Me atë lyhesha pak tek sytë.

Brunilda Lahe: Kaq mjaftonte.

Eva Alikaj: Po, edhe pak buzët.

E pyetur nga moderatorja Brunilda Lahe se ku i gjente veshjet e veçanta dhe pak të guximshme për atë kohë, aktorja tregoi se i bënte vetë. Ajo tha se ka pasur një natyrë pak rebele, por kjo ishte karakteristikë e veçantë për të, pasi publiku ishte marrosur pas saj.

Brunilda Lahe: Po ato veshjet, me ato xhinset pak më ndryshe se vajzat e tjera, si e huaj, ku i gjeje?

Eva Alikaj: I bëja vetë.

Brunilda Lahe: Ashtu?

Eva Alikaj: Po.

Brunilda Lahe: Po xhinset ku i gjeje?

Eva Alikaj: Kisha unë atë kohë, isha pak rebele atë kohë.

Brunilda Lahe: Kishte përjashtime për ju aktorët?

Eva Alikaj: Po ku di unë, më lejonin mua, kisha naze unë.

Brunilda Lahe: Dhe dole e veshur, ashtu nuk të pengonin?

Eva Alikaj: Po, ca pensionistë janë ankuar, thanë çfarë është kjo. Por, populli ishin marrosur, ashtu më donin.

Burimi informacionit @BalkanWeb: Lexo me shume ne : Bota Sot News botasot.co