Familja Kardashian do të vazhdojë reality show-n për një cikël të 6-të

Reality show i famshëm “The Kardashians” vazhdon në Hulu për një sezon të gjashtë me 20 episode të reja.

Sezoni i 5 u shfaq premierë më 23 maj dhe sipas Disney-t, ai mblodhi 3.9 milionë shikime në mbarë botën në katër ditët e para, në Hulu, Disney+ dhe Star+. Kjo shënon premierën më të suksesshme të një serie pa skenar këtë vit në të gjitha platformat e transmetimit të Disney.

Shfaqja gjithashtu arriti të ketë debutimin e dytë më të vlerësuar pas serialit “Shōgun” i cili theu të gjitha rekordet dhe zuri vendin e parë në të gjitha premierat e serialeve General Entertainment.

Edhe pse reality show Kardashian-Jenner është zyrtarisht në sezonin e tij të 5-të, siç theksoi Kris Jenner në episodin premierë, seriali është në fakt në sezonin e tij të 25-të.

‘The Kardashians’ has been renewed for Season 6 at Hulu. pic.twitter.com/idkvA5fg0W

— Pop Crave (@PopCrave) July 25, 2024

Familja e famshme debutoi në Hulu në vitin 2022, por më parë luajti në “Keeping Up with the Kardashians” nga 2007 deri në 2021, sipas Deadline.

Producenti britanik Ben Winston, fitues i çmimit Emmy dhe shumë i nominuar, është producent ekzekutiv së bashku me Emma Conway, Elizabeth Jones dhe Kardashian-Jenners ndër të tjera.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co