Dy qitës adoleshentë kinezë janë bërë fituesit e medaljes së parë të artë të këtij edicioni në Lojërat Olimpike, duke treguar dominimin e tyre absolut në garën e qitjes me karabinë 10 m mikse.
19-vjeçari Sheng Lihao dhe 17-vjeçarja Huang Juting, fituan duke treguar një dominim absolut ndaj kundërshtarëve të tyre në kualifikuese. Në finalen ndaj Koresë së Jugut vuajtën për të siguruar suksesin 16-12 vetëm pas një “zgjimi” të rivalëve të cilët u munduan t’u afroheshin pasi ata kishin siguruar një avantazh të ndjeshëm 14-8.
Çifti kinez është shumë i njohur në vendlindje ku kanë shumë ndjekës në rrjetet sociale në të cilat tregojnë jetën e tyre mes sportit dhe përditshmërisë. Tani të dy do të kërkojnë të fitojnë medalje edhe në garat individuale në këtë disiplinë.
PANORAMASPORT.AL
Burimi informacionit @Panorama.al: Lexo me shume ne :bota sot www.botasot.co
