![Tepelenë/ Përfshihet nga flakët shpati i malit mbi fshatin Luzat, ndërhyrje nga toka dhe ajri për shuarjen e tij 2 tepelene perfshihet nga flaket shpati i malit mbi fshatin luzat nderhyrje nga toka dhe ajri per shuarjen e tij](https://botasot.co/wp-content/uploads/2024/08/tepelene-perfshihet-nga-flaket-shpati-i-malit-mbi-fshatin-luzat-nderhyrje-nga-toka-dhe-ajri-per-shuarjen-e-tij.jpg)
Një zjarr i madh ka përfshirë shpatin e malit mbi fshatin Luzat në Tepelenë. Flakët kanë kapluar një sipërfaqe të konsiderueshme dhe, me gjithë përpjekjet intensive të forcave zjarrfikëse nga i gjithë qarku i Gjirokastrës, ka qenë e pamundur vendosja e zjarrit nën kontroll.
Në terren janë të angazhuar zjarrfikësit e Tepelenës, Memaliajt, Gjirokastrës dhe Përmetit. Po ashtu, një zjarrfikëse e forcave të armatosura është dërguar në ndihmë. Aktualisht, mbi 80 efektivë, përfshirë zjarrfikës dhe vullnetarë, po luftojnë për të ndaluar përhapjen e flakëve.
Për të ndihmuar në shuarjen e zjarrit, një helikopter “Coguar”, i cili furnizohet me ujë nga liqeni i Bajkaj në Delvinë, është angazhuar në operacionin e shuarjes së zjarrit.
Për shkak të kushteve të vështira dhe përmasave të mëdha të zjarrit, situata mbetet e vështirë, dhe autoritetet po bëjnë çdo përpjekje për të evituar përhapjen e mëtejshme dhe për të mbrojtur zonat e rrezikuara.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co