![47 vjet pa mbretin e Rock ‘n’ Roll-it, Elvis Presley 2 47 vjet pa mbretin e rock n roll it elvis presley](https://botasot.co/wp-content/uploads/2024/08/47-vjet-pa-mbretin-e-rock-n-roll-it-elvis-presley.jpg)
Më 16 gusht, shënohet 47 vjetori i vdekjes së Elvis Presley, i njohur në mbarë botën si Mbreti i Rock ‘n’ Roll-it, sipas të përditshmes amerikane “abc news”.
Presley ishte vetëm 42 vjeç kur vdiq në rezidencën e tij në Graceland në Memphis, Tenesi, nga dështimi kongjestiv i zemrës. Besohet gjerësisht se abuzimi me ilaçet me recetë ishte një faktor në vdekjen e këngëtarit.
Presley, natyrisht, ishte superylli i parë i Rock ‘n’ Roll-it – karizma e të cilit, muzika energjike dhe pamja e bukur – e bënë atë një nga ikonat kulturore më me ndikim dhe më të njohur të shekullit të XX.
Pasioni i tij dhe promovimi i artistëve si Little Richard dhe Fats Domino ndihmoi në pranimin komercial të artistëve me ngjyrë Rock ‘n’ Roll nga audienca e njerëzve të bardhë.
Talentet muzikore të Elvisit shtriheshin përtej rock-ut, deri te balada Pop, Gospel dhe Country.
Presley mbetet ndër artistët më të suksesshëm të muzikës, me më shumë se 230 milionë kopje të çertifikuara të shitura në mbarë botën.
Dhjetë albumet e tij kryesuan në top-listat në Billboard 200 dhe 18 këngët numër 1 në Hot 100.
Albume të ndryshme të suksesshme pas vdekjes së Presley, duke përfshirë përmbledhjet dhe koleksionet e materialeve të rralla, vazhdojnë të publikohen ende.
Pas vdekjes së Presley, Graceland u bë një atraksion i madh turistik. Disa vite më parë, prona u zgjerua për të përfshirë një kompleks argëtimi me muze, restorante, një hotel dhe një vend muzikor.
Në kujtim të përvjetorit të vdekjes së Presley, Graceland organizon çdo vit festën shumëditore të “Javës së Elvisit”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co