Një shpërthim ndodhi në një fabrikë makaronash në lagjen Hedek të Sakarya, Turqi, duke plagosur të paktën 20 persona sipas raporteve fillestare nga mediat lokale.
Shpërthimi ka ndodhur në çatinë e fabrikës, me zjarr ende të ndezur, duke penguar përpjekjet e zjarrfikësve për shuarjen e tij.
Kryetari i komunës, Yusuf Alemdar, tha se shpërthimi ka qenë i fortë dhe me gjasë ka ardhur nga magazina, duke shtuar se rreth fabrikës nuk ka asnjë zonë banimi. Të plagosurit janë dërguar në spitalet e afërta për të marrë ndihmën mjekësore, ndërsa forcat zjarrfikëse vijojnë përpjekjet për vënien nën kontroll të zjarrit.
Sakarya Hendek’teki bir makarna fabrikasında bir patlama meydana geldi. Patlamada ilk belirlemelere göre 20 işçinin yaralandığı ifade ediliyor. Çok geçmiş olsun…#patlamapic.twitter.com/4APw4pKbKb
— İsMaİL (@ismail_Gnsy) September 15, 2024
Zona e Hedekut njihet për karakterin e saj industrial, pasi është një zonë e aktivitetit të organizuar industrial. Tymi nga zjarri është i dukshëm nga pjesë të ndryshme të zonës, duke intensifikuar shqetësimin e autoriteteve lokale dhe të banorëve.
Guvernatori i Sakaryas, Yasar Karadeniz, konfirmoi se deri më tani nuk ka raportime për të vdekur, ndërsa hetimet vazhdojnë për të përcaktuar shkakun e shpërthimit.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
