![Begaj vizitë në Baku, takim me Zv. Sekretarin e Përgjithshëm të OKB: Shqipëria mbështet plotësisht organizimin e Samitit për të Ardhmen 2 begaj vizite ne baku takim me zv sekretarin e pergjithshem te okb shqiperia mbeshtet plotesisht organizimin e samitit per te ardhmen](https://botasot.co/wp-content/uploads/2024/03/begaj-vizite-ne-baku-takim-me-zv-sekretarin-e-pergjithshem-te-okb-shqiperia-mbeshtet-plotesisht-organizimin-e-samitit-per-te-ardhmen.jpg)
Presidenti Bajram Begaj zhvilloi sot në Baku një takim me Guy Ryder, Zv. Sekretar i Përgjithshëm i Organizatës së Kombeve të Bashkuara.
Presidenca njofton se në takim është diskutuar në lidhje me arritjen e Objektivave të Zhvillimit të Qëndrueshëm, për respektimin e të drejtave të njeriut, si dhe për çështje që lidhen me sigurinë dhe paqen në rajon e më gjerë.
“Takim konstruktiv me Guy Ryder, Zv. Sekretar i Përgjithshëm i OKB-së.
Diskutuam për punën që Shqipëria po bën për arritjen e Objektivave të Zhvillimit të Qëndrueshëm (OZhQ), për respektimin e të drejtave të njeriut, si dhe për çështje që lidhen me sigurinë dhe paqen në rajon e më gjerë.
Gjithashtu, e sigurova që Shqipëria e mbështet plotësisht organizimin e Samitit për të Ardhmen, si një iniciativë që ofron mundësi për arritjen e Objektivave të Zhvillimit të Qëndrueshëm”, shkruan në Facebook Presidenti.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co