Deputeti i Partisë Socialiste, Toni Gogu i ftuar në emisionin “Kjo Javë” nga Nisida Tufa në News 24, tha se dënimi i ish-zyrtarit të lartë të FBI-së, Charls McGonigal, nuk mund të interferojë në Shqipëri. McGonigal u dënua me 26 muaj burg për 225 mijë dollarë që ai mori nga shqiptaro-amerikani, Agron Neza.

“Mua më vjen mirë që i ka ardhur zëri z.Basha sa i përket drejtësisë amerikane, pasi kam përshtypjen se duhet të ketë ca hesape për të larë me ta. Çështja McGonigal është çështje amerikane pavarësisht se një pjesë e veprimtarisë është zhvilluar në vendin tonë. Është një çështje që ka ndodhur nën juridiksionin amerikan, ndërkohë këtu agjencitë tona ligjzbatuese kanë bërë veprimet. Nuk besoj që kur një zyrtar amerikan shkel ligjin e vendit të tij në një vend të huaj, nuk mund të ketë reperkusione për qytetarë të vendit tonë”, tha Gogu.

Burimi informacionit @BalkanWeb: Lexo me shume ne : Bota Sot News botasot.co