Fanellë speciale në derbi, tifozja e Romës mahnit tifozët verdhekuq

Roma do të dalë në fushë këtë fundjavë në derbin me Lacion me një fanellë festive speciale.

Për këtë rast, e ka prezantuar Mishel Domirti, modelja e re që ka goditur zemrat e tifozëve verdhekuq. Modelja italiane shpreson t’i sjellë fat skuadrës së De Rosit, që synon të hyjë në zonën Champions.

Ajo është shfaqur disa herë me fanellën verdhekuqe, por këtë herë është krejt ndryshe. Derbi është përherë një vitrinë e bukur dhe Domirti e ka pranuar me kënaqësi reklamimin e fanellës speciale, teksa shpreson t’i sjellë fat Romës, ku një fitore vlen dyfish për objektivin në kampionat.