Garet Sauthgejt nuk i garanton Xhek Grilishit një vend në skuadrën e tij për “Euro 2024” përpara një jave vendimtare për yllin e Mançester Sitit. Sulmuesi, është paraqitur përpara afatit në grumbullim me kombëtaren, me shpresën për të bindur trajnerin, i cili e shpall skuadrën e tij finale prej 26 lojtarësh për në Gjermani të shtunën.
Grilish ka bërë një sezon nën nivel pasi trajneri i Mançester Sitit, Pep Guardiola, e përdori atë me masë në mes të një sezoni të ndikuar nga dëmtimet. Por i pyetur nëse Grilish ishte në mesin e lojtarëve të rrezikuar për të humbur ndeshjen, u përgjigj:
“Unë nuk mendoj se ne e kemi përcaktuar këtë ende. Ai është treguar me të vërtet i mençur dhe i pëlqen të jetë këtu. Ai ka pasur një energji të mirë në stërvitje. Është e qartë se këtë sezon ai nuk ka luajtur aq shumë sa sezonin e kaluar. Unë jam i sigurt se ai do të kishte dashur që të ishte ndryshe, por ne i dimë cilësitë që ai mund të sjellë dhe cilësitë që ai ka dhe ai është një lojtar me të cilin kënaqemi duke punuar dhe një karakter që na pëlqen ta kemi brenda grupit.
Ne mendojmë se e dimë se cilët kanë qenë më të mirët gjatë gjithë sezonit. Ajo që nuk e dimë plotësisht është se sa duhet të marrim ose sa mund t’i lejojmë vetes të marrim për shkak të mbulimit që mund të na duhet edhe në pozicione të tjera”.
PANORAMASPORT.AL
Burimi informacionit @Panorama.al: Lexo me shume ne :bota sot www.botasot.co
