Pas zhdukjes së Gianfranco Bonzi, kujdestarit të Milanit që u zhduk që nga 23 marsi, mund të jetë një grua që e quan veten Dua Lipa në rrjetet sociale. Të dy kishin qenë në kontakt që në verën e kaluar, e quanin njëri-tjetrin “dashuria ime” dhe burri i kishte dërguar 5 mijë euro në dy këste të transfertave bankare.
Programi “Kush e pa?” ka rënë në kontakt me profilin e këtij personi në Facebook, i cili është përgjigjur menjëherë. Ajo pretendoi se nuk e kishte parë Gianfrancon, por me një pagesë prej 50 eurosh, mund të shkonte në Cagliari për të kërkuar të zhdukurin.
Për të marrë paratë, “Dua Lipa” i ka dërguar kodin tatimor gazetares që ka rënë në kontakt me të. Policia postare arriti të gjurmonte dy informacione të rëndësishme: gruaja ka lindur në vitin 1966 dhe jeton në Siçili. Pavarësisht gjithë kësaj, ende nuk dihet asgjë për të zhdukurin. Një karrocë u gjet pranë shtëpisë së tij në lagjen Brera të Milanos, e cila mund të jetë ajo me të cilën burri doli nga shtëpia ditën e zhdukjes.
Gruaja që bisedoi me Gianfranco Bonzi
Me sa duket të dy janë takuar verën e kaluar. Kishin krijuar një lidhje dashurie, të paktën nga ana e Bonzit. Vëllai i tij Michele, gjithashtu i intervistuar nga programi mendon se marrëdhënia mes burrit dhe kësaj gruaje ka të bëjë shumë me zhdukjen e tij. Një lidhje që u ndërpre kur profili u zhduk nga rrjetet sociale dhe më pas u rishfaq me të njëjtin emër, por një imazh tjetër: jo më ai i këngëtares së njohur, por i një gruaje bionde që e quan veten Madina.
Menjëherë pas periudhës së mungesës ajo kontaktoi sërish me Gianfranco: “Përshëndetje i dashuri Gianfranco, pata një problem me telefonin që nuk funksionon më, kështu që hapa një Facebook tjetër për të të shkruar. Mund të flasim këtu. Të kam shkruar në Messenger i dashur. Të dua!”. Burri, megjithatë, është dyshues, thotë se tashmë është i zënë dhe nuk e njeh. Kështu ajo i dërgon një foto si provë: mund të shihni një imazh të këngëtares duke puthur para kamerës dhe poshtë shkruhej “Për Gianfranco”, e ndjekur nga emoy me zemër.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
