Jurgis Çyrbja ka dorëzuar mandatin e deputetit të PS. Ky vendim erdhi pasi ai u paraqit në SPAK, ku dëshmoi për disa orë në lidhje me një kallëzim të bërë nga Edi Paloka.
Ndërkohë vendin e tij pritet ta zërë Erjon Meka, i cili në zgjedhjet e fundit në vitin 2021 mori 2228 vota.
Mësohet se Çyrbja, deputet i qarkut Durrës, ka paraqitur kërkesën për lënien e mandatit.
Kujtojme qe socialisti u mor në pyetje nga SPAK, lidhur me një kallëzim të Edi Palokës për abuzim me detyrën gjatë kohës kur ai drejtonte Hipotekën e Durrësit.
Çyrbja nuk ka bërë asnjë reagim zyrtar për çështjen e lënies së mandatit.
Ai largohet nga Kuvendi pak muaj para zgjedhjeve të reja parlamentare të vitit 2025, çka do të thotë se nuk do të jetë në listat e kandidatëve të maxhorancës.
