Kevin Costner ka folur për thashethemet se është në një lidhje me këngëtaren Jewell. Pas divorcit të tij, aktori 69-vjeçar fitues i çmimit Oscar filloi të takohej me këngëtaren.

“Jewell dhe unë jemi miq – nuk kemi dalë kurrë bashkë”, tha Costner në “The Howard Stern Show”. “Ajo është e veçantë dhe nuk dua që këto thashetheme të na prishin miqësinë, sepse kjo është ajo që ne kemi”.

Costner tha se ishte i shqetësuar për thashethemet se ata ishin në një lidhje dhe kjo mund të ndikojë në miqësinë e tij me këngëtaren 40-vjeçare. Megjithatë, aktori i mohoi raportimet, duke i thënë Howard Stern se ata “asnjëherë, kurrë nuk janë takuar”, pavarësisht se ka pranuar se këngëtarja është ” e veçantë ” dhe ” mjaft e bukur”.

Aktori tregoi gjithashtu se si u kryqëzuan rrugët e tyre, duke iu referuar një udhëtimi që ata bënë në ishullin privat të Richard Branson me të famshëm të tjerë në dhjetor 2023.

“Ishim në ishullin e Branson, ajo ka një fondacion, të cilin unë nuk e dija… dhe Richard Branson kishte vite që më kërkonte të vija në Necker Island, kështu që më në fund e bëra, “tha Costner.

“Papritmas jam divorcuar, jam beqar dhe ajo më kërkoi prej dhjetë vitesh që të shkoja atje ”, shtoi ai.

Fotot e Coster dhe Jewell të përqafuar gjatë vizitës së tyre në ishull qarkulluan në atë kohë. Në njërën prej tyre, aktori 69-vjeçar i ka mbështjellë duart rreth belit. Jewell kishte vazhduar të organizonte mbledhjen e fondeve për Fondacionin Inspiring Children në Necker Island, ndërsa Costner ishte i pranishëm si i ftuar. Dyshja thuhet se kanë fluturuar së bashku nga ishulli.

Jewell, nga ana e saj, shmangu thashethemet për statusin e marrëdhënies së saj me aktorin në një intervistë në fillim të këtij viti.
“Ai është një person i mrekullueshëm,” i tha ajo Elle në prill. “Magjepsja e publikut është sigurisht intensive.”

Costner u nda nga Christine Baumgartner në maj 2023 pas 18 vitesh martesë. Ish-çifti kanë së bashku tre fëmijë. Ndërkohë, Jewell ishte martuar më parë me kaubojin profesionist Ty Murray nga viti 2008 deri në 2014 dhe ata kanë një djalë së bashku.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co