Kjaer i shqetësoi të gjithë në ndeshjen e Danimarkës, mbrojtësi zbulon detaje: E vërteta e dëmtimit

Dje, në pjesën e dytë të ndeshjes miqësore të zhvilluar mes Danimarkës dhe Zvicrës, Simon Kjaer u ndal për shkak të një problemi muskulor, duke u larguar nga fusha para kohe. Mbrojtësi i Milanit u zëvendësua në minutën e 65-të nga trajneri Kasper Hjulmand, ndërsa pas sfidës, Kjer i qetësoi të gjithë.

“Ndjeva pak shqetësim në kofshën e djathtë dhe preferova të mos rrezikoja. Do ta vlerësojmë se çfarë është, por nuk mendoj se është diçka serioze” – Tha Kjaer! 34-vjeçari do të jetë gati për ndeshjen ndaj Fiorentinës, takim ky të cilin kuqezinjtë do e luajnë në Firenze, me 30 mars në orën 20.45.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co