![Nuk ka mrekulli dhe përmbysje për Partizanin, të kuqtë përfundojnë rrugëtimin në Europë 2 nuk ka mrekulli dhe permbysje per partizanin te kuqte perfundojne rrugetimin ne europe](https://botasot.co/wp-content/uploads/2024/08/nuk-ka-mrekulli-dhe-permbysje-per-partizanin-te-kuqte-perfundojne-rrugetimin-ne-europe.jpg)
Partizani është eleminuar në turin e dytë të Conference League. Pas humbjes 2-0 në Gjeorgji ndaj Iberia 1999, ekipi i Shehit nuk shkoi më shumë se një barazim pa gola në “Elbasan Arena”.
Të kuqtë e nisën ndeshjen me “marshin e pestë”, teksa pretenduan penallti që në minutën e 3-të. Zeka reklamoi 11-metërsh për prekje me dorë, por nuk mendoi kështu kryesori.
Në fundin e pjesës së parë, skuadra nga Gjeorgjia “flirtoi” me golin e epërsisë, gjithsesi shtylla i tha jo të besuarve të Korgalidze. Në fillimin e fraksionit të dy, Mba tentoi të zgjidhë vetë ndeshjen, nuk ia doli dot. Me minutat që po kalonin, Iberia u përpoq me të gjitha forcat, për të ruajtur ekuilibrat në këtë ndeshje.
Asnjë ndryshim rezultati deri në fund, Partizani mbyll kështu rrugëtimin në Europë.
(J.S/BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co