Orlando Bloom ka folur për marrëdhënien e tij me Katy Perry dhe ka shpjeguar se pavarësisht emrave të famshëm dhe statusit të tyre në showbiz, si çift ata kanë një “jetë normale”.

Duke folur në podcast-in “What Now?”, aktori hollivudian komentoi se ata duan një jetë “të qetë dhe normale”, ndërsa theksoi se thjeshtësia e të dashurës të tij ishte ajo që e “fitoi”.

“Ne kërkojmë një jetë në paqe dhe normalitet. Ajo me të cilën u dashurova me Kate, ndër të tjera, ishte fakti se ndërsa muzika e saj luhej kudo, ajo mbeti Kathryn. Vajza nga Santa Barbara”, tha aktori.

Ai gjithashtu përmendi se nuk po flet për anën magjepsëse të Montecito-s, por për anën e Santa Barbara-s që pakkush e di.

“Ne të dy kemi mirëkuptim, kujtojmë se nga kemi ardhur, çfarë pune kemi bërë, çfarë është dashur të bëjmë për të arritur këtu ku jemi. Ne po evoluojmë”, tha ai.

Për sa i përket abstenimit të tyre nga sytë e publikut, pasi janë një çift që preferojnë ta mbajnë private jetën e tyre personale, ai tha: “Nuk do të ndryshoja asgjë për këtë”.

Ai shtoi më tej: Për shkak se ne kemi këto karriera, ndonjëherë ju thoni se është fati juaj të jeni në qendër të vëmendjes. Por nuk është gjithmonë kështu. Unë do të vazhdoj të jem pranë saj dhe do të kthehemi gjithmonë së bashku në rërë, duke ndërtuar kështjella”.

Së fundi, ai theksoi se sa e rëndësishme është që Katy Perry shkon aq mirë me ish-bashkëshorten e tij, Miranda Kerr dhe me djalin e Orlando Bloom, Flynn.

“Na ndihmon çdo ditë të vazhdojmë të ndërtojmë momente me djalin tim. Nuk do të ishte njësoj nëse nuk do të shkonin mirë. Por ajo është një “mjeshtre” në këtë,” tha ai në mbyllje.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co